وزیراعظم کا بیان
اسلام آباد میں وزیراعظم شہباز شریف کی زیر صدارت وفاقی کابینہ کا اجلاس ہوا۔ جس میں ملکی صورتحال کے ساتھ ساتھ ایران اور امریکا کے درمیان جاری مذاکرات پر بھی تفصیلی غور کیا گیا۔ وزیراعظم نے اس موقع پر پاکستان کی سفارتی کوششوں سے متعلق اہم نکات سے آگاہ کیا۔
مذاکرات میں پاکستان کی پیش رفت
وزیراعظم کے مطابق پاکستان نے ایران اور امریکا کو کئی دہائیوں بعد ایک میز پر بٹھانے میں اہم کردار ادا کیا ہے۔ انہوں نے کہا کہ دونوں ممالک کے درمیان بات چیت میں مثبت پیش رفت کے امکانات روشن ہیں اور پاکستان اس عمل کو آگے بڑھانے کے لیے پُرامید ہے۔
عالمی سطح پر پاکستان کی پذیرائی
کابینہ اجلاس میں اس بات کو سراہا گیا۔ کہ پاکستان کو عالمی سطح پر ایک مؤثر ثالث کے طور پر تسلیم کیا جا رہا ہے۔ وزیراعظم نے بتایا کہ مختلف عالمی رہنماؤں نے پاکستان کے کردار کو سراہا اور اسے امن کے قیام کی جانب اہم قدم قرار دیا۔
قیادت کی کوششوں کو خراج تحسین
وزیراعظم نے نائب وزیراعظم اور وزیر خارجہ اسحاق ڈار اور فیلڈ مارشل عاصم منیر کی کاوشوں کو خصوصی طور پر سراہا۔ انہوں نے کہا کہ ان کی مسلسل محنت اور حکمت عملی کے باعث مذاکرات ممکن ہو سکے، جو تاریخ میں ایک اہم سنگِ میل کے طور پر یاد رکھا جائے گا۔
امن کے لیے پاکستان کا عزم
وزیراعظم شہباز شریف نے واضح کیا۔ کہ پاکستان خطے میں پائیدار امن کے قیام کے لیے اپنی کوششیں جاری رکھے گا۔ ان کا کہنا تھا۔ کہ جنگ کے بادلوں کو امن میں بدلنے کا یہ موقع پاکستان کے لیے اعزاز کی بات ہے۔ اور یہ کوششیں مستقبل میں بھی جاری رہیں گی۔
مزید پڑھیں
بابر اعظم کا بیان، زلمی کی مضبوط پرفارمنس کو جاری رکھا جائے گا
