پاکستان کا بھارت کے خلاف بائیکاٹ فیصلہ
پاکستان نے آئی سی سی ٹی ٹوئنٹی ورلڈکپ میں حصہ لینے کا اعلان کیا ہے۔ لیکن بھارت کے خلاف 15 فروری کو شیڈول میچ نہ کھیلنے کا فیصلہ کیا گیا ہے۔ وزیر اعظم شہباز شریف اور پی سی بی چیئرمین محسن نقوی کی ملاقات کے بعد حکومت نے اعلان کیا۔ کہ پاکستان ورلڈکپ میں شامل رہے گا۔ لیکن بھارت کے خلاف میچ کا بائیکاٹ کرے گا۔
بائیکاٹ کے اثرات اور دو پوائنٹس کا مسئلہ
پاکستان کے بائیکاٹ کی وجہ سے بھارت کو اس میچ کے دو پوائنٹس ملیں گے۔ آئی سی سی قوانین کے مطابق بھارت کو یہ پوائنٹس حاصل کرنے کے لیے میچ کے مقام پر وقت پر پہنچنا ہوگا اور میچ کے شیڈول کے مطابق پریکٹس، پریس کانفرنس اور اسٹیڈیم میں موجودگی دینی ہوگی۔ پھر ریفری کے باضابطہ فیصلے کے بعد میچ منسوخ ہوگا اور پوائنٹس بھارت کو دیے جائیں گے۔
بھارتی ٹیم کا عمل اور پروٹوکول
بھارتی کرکٹ بورڈ کے ذرائع کے مطابق ٹیم آئی سی سی پروٹوکول کے مطابق عمل کرے گی۔ بھارتی ٹیم 15 فروری کو سری لنکا میں شیڈول کے مطابق تمام سرگرمیاں انجام دے گی اور ریفری کے فیصلے کا انتظار کرے گی۔ تاکہ پوائنٹس حاصل ہو سکیں۔
ٹی ٹوئنٹی ورلڈکپ 2026 کے گروپز
آئی سی سی ٹی ٹوئنٹی ورلڈکپ 7 فروری سے شروع ہوگا۔ پاکستان کے گروپ میں بھارت کے علاوہ نمیبیا، نیدرلینڈز اور امریکا شامل ہیں۔ پاکستان کے بائیکاٹ کے باوجود ورلڈکپ میں شرکت کی اہمیت برقرار ہے۔ اور ٹیم عالمی مقابلوں میں اپنا موقف برقرار رکھے گی۔
مزید پڑھیں
کراچی میں سیکیورٹی ہائی الرٹ، پولیو مہم میں 7 ہزار سے زائد پولیس اہلکارتعینات
