ایران امریکا معاہدہ
بین الاقوامی مالیاتی فنڈ آئی ایم ایف کی منیجنگ ڈائریکٹر کرسٹالینا جارجیوا نے امریکا اور ایران کے درمیان جنگ بندی معاہدے کا خیر مقدم کیا ہے۔
توانائی بحران پر خدشات
آئی ایم ایف کی سربراہ کے مطابق اگرچہ خطے میں کشیدگی کم ہوئی ہے، لیکن توانائی بحران اور عالمی سپلائی چین کی مکمل بحالی میں وقت لگے گا۔
بنیادی ڈھانچے کو نقصان
انہوں نے کہا کہ بعض علاقوں میں بنیادی ڈھانچے کو پہنچنے والے نقصانات کے باعث سپلائی نظام فوری طور پر بحال نہیں ہو سکتا، اور اس کے اثرات عالمی معیشت پر بھی پڑ سکتے ہیں۔
معاشی بحالی کا انحصار
کرسٹالینا جارجیوا کے مطابق معاشی بحالی کا دارومدار اس بات پر ہے کہ توانائی سپلائی کو کتنا شدید جھٹکا لگا ہے اور اس کی بحالی کتنی تیزی سے ممکن ہوتی ہے۔
مزید پڑھیں
حکومت کا بجٹ میں ٹیکس رعایتوں کے اعداد و شمار عوام کے سامنے لانے سے انکار
