نئی دہلی میں سیاسی ہلچل
آپریشن سندور میں بھارت کو عبرتناک شکست کے بعد وزیراعظم نریندر مودی کی مجرمانہ خاموشی بھارت میں سیاسی طوفان میں تبدیل ہو گئی ہے۔ مودی سرکار کی اس خاموشی کو اپوزیشن جماعتوں نے شدید تنقید کا نشانہ بنایا ہے جبکہ امریکی صدر کے پاکستان کے حق میں بیانات نے بھارتی حکومت کیلئے مزید شرمندگی پیدا کر دی ہے۔
اپوزیشن کا مودی پر کڑا ردعمل
کانگریس رہنما راہول گاندھی نے نریندر مودی کو آڑے ہاتھوں لیتے ہوئے کہا کہ مودی ایک بزدل انسان ہے جس کے پاس کوئی وژن نہیں، وہ امریکی صدر کے سامنے کھڑے ہونے کی ہمت نہیں رکھتے، انہی کے حکم پر آپریشن سندور روکا گیا۔
اسی طرح کانگریس کی سینئر رہنما سوپریا شری نیت نے کہا کہ ٹرمپ کے مطابق 7 بھارتی طیارے مار گرائے گئے، مودی کی خاموشی اس بات کا ثبوت ہے کہ وہ اس سچائی کو تسلیم کر چکے ہیں۔
جھوٹی خبروں اور پروپیگنڈے کی مہم
آپریشن سندور کی ناکامی کے بعد بھارت نے جھوٹی خبروں اور پروپیگنڈے کے ذریعے پاکستان کے خلاف منظم مہم شروع کر رکھی ہے۔ کشمیر میڈیا سروس کے مطابق بھارتی پروپیگنڈے کی تازہ ترین مثال کوٹ رادھا کشن میں فائرنگ کے تبادلے کے بعد سامنے آئی، جہاں 28 سالہ تاجر شیخ معیز جاں بحق ہو گیا۔
سچائی کا پردہ فاش
پولیس کی جانب سے اس بات کی تصدیق کے باوجود کہ شیخ معیز کا کسی عسکریت پسند تنظیم سے کوئی تعلق نہیں تھا، 2025ء کے وسط تک بھارت میں جھوٹی خبروں کے 1,087 سے زیادہ واقعات ریکارڈ کیے گئے جن میں سوشل میڈیا نیٹ ورکس کے ذریعے فرقہ وارانہ تشدد کو ہوا دی گئی۔
مزید پڑھیں
