رمضان المبارک کے آغاز کی متوقع تاریخ
رمضان المبارک کا مقدس مہینہ اب چند ماہ کی دوری پر ہے اور دنیا بھر کے مسلمان اس بابرکت مہینے کا بے صبری سے انتظار کر رہے ہیں۔ فلکیاتی ماہرین ہر سال رمضان اور عید الفطر کی متوقع تاریخوں کا اعلان کرتے ہیں تاکہ لوگ اپنی تیاریوں کے حوالے سے آگاہ رہیں۔
پاکستان میں اس سال رمضان کے چاند کے نظر آنے کا امکان 28 فروری (جمعہ) یا یکم مارچ (ہفتہ) کو ہے۔ اگر یہ چاند یکم مارچ کو نظر آتا ہے تو رمضان کا آغاز 2 مارچ (اتوار) سے ہو گا۔
عیدالفطر کی متوقع تاریخ
عیدالفطر کے حوالے سے بھی فلکیاتی ماہرین نے پیش گوئی کی ہے کہ پاکستان میں عید کا چاند 29 مارچ (ہفتہ) یا 30 مارچ (اتوار) کو نظر آ سکتا ہے۔ اس طرح عیدالفطر 30 مارچ (اتوار) یا 31 مارچ (پیر) کو منائی جا سکتی ہے۔
حتمی اعلان رویت ہلال کمیٹی کرے گی
یاد رہے کہ پاکستان میں رمضان المبارک اور عیدالفطر کے چاند کا حتمی فیصلہ مرکزی رویت ہلال کمیٹی کی جانب سے کیا جائے گا، جو اس بات کی تصدیق کرے گی کہ چاند نظر آیا یا نہیں۔
