غریب کسانوں کے لیے نئی اسکیم کا آغاز
پنجاب حکومت نے اپنا کھیت، اپنا روزگار اسکیم کے تحت بے زمین اور مستحق کسانوں کو 4 ایکڑ زرعی زمین صرف 100 روپے سالانہ لیز پر دینے کا اعلان کر دیا۔
تیس ہزار خاندانوں میں ایک لاکھ اکیس ہزار ایکڑ اراضی تقسیم
کمپیوٹرائزڈ قرعہ اندازی کے ذریعے 30 ہزار بے زمین خاندانوں کو مجموعی طور پر ایک لاکھ 21 ہزار ایکڑ قابلِ کاشت سرکاری اراضی الاٹ کی گئی، جبکہ ہر مستحق خاندان کو کاشتکاری کے لیے 2 لاکھ روپے مالی امداد بھی فراہم کی جائے گی۔
میرٹ پر الاٹمنٹ، سفارش کا عمل دخل نہیں
وزیراعلیٰ مریم نواز نے کہا کہ تمام الاٹمنٹ مکمل میرٹ پر کی گئی ہیں اور اس عمل میں کسی بھی قسم کی سفارش یا سیاسی دباؤ کو قبول نہیں کیا گیا۔
الاٹمنٹ لیٹر اور قبضہ جلد فراہم ہوگا
حکومت کے مطابق کامیاب درخواست گزاروں کو ایک ہفتے کے اندر الاٹمنٹ لیٹر جاری کیے جائیں گے، جبکہ 31 جولائی تک زرعی زمین کا قبضہ بھی دے دیا جائے گا۔
کسانوں کی خودمختاری اور زرعی ترقی ہدف
وزیراعلیٰ پنجاب کا کہنا تھا کہ اسکیم کا مقصد بے زمین خاندانوں کو معاشی خودمختاری دینا، زرعی پیداوار میں اضافہ کرنا اور کسانوں کی عزتِ نفس کو بحال کرنا ہے۔
مزید پڑھیں
شہباز شریف اور فیلڈ مارشل کی کاوشیں جاری رہیں تو نوبیل انعام ممکن، وکٹر گاؤ
