گلگت بلتستان میں حکومت سازی پر اتفاق
نائب وزیراعظم اسحاق ڈار اور پاکستان پیپلز پارٹی کے چیئرمین بلاول بھٹو زرداری کے درمیان رابطہ ہوا جس میں گلگت بلتستان اسمبلی انتخابات کے نتائج اور حکومت سازی کے معاملات پر تبادلہ خیال کیا گیا۔
سنگل لارجسٹ پارٹی کو حکومت بنانے کا موقع
دونوں رہنماؤں نے اس بات پر اتفاق کیا کہ گلگت بلتستان میں سب سے بڑی جماعت کو حکومت بنانے کا حق ملنا چاہیے۔ اسحاق ڈار نے بلاول بھٹو زرداری کو انتخابات میں کامیابی پر مبارک باد بھی دی۔
سیاسی مشاورت جاری رکھنے کا فیصلہ
پیپلز پارٹی اور مسلم لیگ (ن) کی قیادت نے گلگت بلتستان کے سیاسی اور انتظامی امور پر مشاورت جاری رکھنے پر بھی اتفاق کیا ہے تاکہ خطے میں سیاسی استحکام برقرار رکھا جا سکے۔
انتخابی نتائج کی صورتحال
غیر حتمی اور غیر سرکاری نتائج کے مطابق پاکستان پیپلز پارٹی دس نشستوں کے ساتھ سب سے آگے ہے جبکہ آزاد امیدوار سات نشستیں حاصل کر چکے ہیں۔ مسلم لیگ (ن) چھ نشستوں پر کامیاب ہوئی ہے۔ گلگت بلتستان اسمبلی میں حکومت بنانے کے لیے تیرہ نشستیں درکار ہیں۔
مزید پڑھیں
بنگلادیش کی تاریخی کامیابی، آسٹریلیا کو 21 سال بعد ون ڈے میں شکست
