اسلام آباد میں صدر مملکت آصف علی زرداری نے پارلیمنٹ کا مشترکہ اجلاس 2 مارچ کو طلب کرنے کی منظوری دے دی ہے۔ اجلاس صبح ساڑھے 10 بجے منعقد ہوگا۔
نویں مرتبہ مشترکہ اجلاس سے خطاب
ایوان صدر کے اعلامیے کے مطابق صدر زرداری پارلیمنٹ کے مشترکہ اجلاس سے نویں بار خطاب کریں گے۔ اپنے خطاب میں وہ قومی ترجیحات اور جمہوری استحکام پر روشنی ڈالیں گے۔
آئینی بالادستی اور معاشی ترقی پر گفتگو
صدر مملکت آئینی بالادستی اور پائیدار معاشی ترقی کے نکات پر بھی اظہار خیال کریں گے۔ خطاب میں ملک کو درپیش چیلنجز اور حکومتی حکمت عملی کا خاکہ پیش کیا جائے گا۔
خطے کی صورتحال اور دہشت گردی کے خلاف عزم
اعلامیے کے مطابق صدر مملکت خطے اور عالمی صورتحال پر بھی بات کریں گے۔ وہ بیرونی سرپرستی میں جاری دہشت گردی کے مکمل خاتمے کے قومی عزم کا اعادہ کریں گے۔
مزید پڑھیں
تعمیراتی بے ترتیبی کے خاتمے کے لیے ’ون پنجاب، ون اسٹینڈرڈ، ون ڈیزائن‘ پالیسی منظور
