مریم نواز کی منظوری
وزیراعلیٰ پنجاب مریم نواز نے صوبے میں تعمیراتی بے ترتیبی کے خاتمے کے لیے ’ون پنجاب، ون اسٹینڈرڈ، ون ڈیزائن‘ پالیسی کی منظوری دے دی ہے۔ اس اقدام کا مقصد پورے پنجاب میں یکساں اور معیاری ترقی کو فروغ دینا ہے۔
یکساں انفراسٹرکچر کا نفاذ
خصوصی اجلاس میں فیصلہ کیا گیا کہ پنجاب بھر کی سڑکیں، اسکول، اسپتال، بس اڈے، فٹ پاتھ، گرین بیلٹس اور سائن بورڈز ایک ہی معیاری ڈیزائن کے تحت تیار کیے جائیں گے۔ اس پالیسی کے ذریعے ہر شہر اور ہر شاہراہ کو منظم اور خوبصورت شناخت دی جائے گی۔
’برانڈ پنجاب‘ کا تصور
وزیراعلیٰ کا کہنا تھا کہ صوبے کا انفراسٹرکچر بکھری ہوئی تعمیرات کے بجائے یکساں ترقی کی علامت ہوگا۔ سڑکیں، تعلیمی ادارے اور طبی مراکز ’برانڈ پنجاب‘ کے نمائندہ منصوبوں کے طور پر سامنے آئیں گے۔
اسٹینڈرائزڈ ڈیزائن مینول کی تیاری
اجلاس میں یکساں روڈز، گرین بیلٹس اور فٹ پاتھ بنانے کے ساتھ ساتھ کیاسک اور چھوٹی دکانوں کے لیے بھی ایک ہی طرز کا ڈیزائن مقرر کرنے پر غور کیا گیا۔ وزیراعلیٰ نے اسٹینڈرائزڈ ڈیزائن مینول تیار کرنے اور خودمختار اتھارٹی کے قیام کی ہدایت بھی جاری کی۔
صوبے بھر میں یکساں ترقی کا ہدف
حکومت کے مطابق لاہور سے راجن پور تک ہر شہر میں نظم و ضبط اور جمالیاتی حسن کو یقینی بنایا جائے گا۔ یکساں انفراسٹرکچر کے ذریعے پنجاب کو جدید اور پرکشش صوبہ بنانے کا عزم ظاہر کیا گیا ہے۔
مزید پڑھیں
عمران خان کی صحت پر پارٹی علیمہ خان کے ساتھ کھڑی رہے گی: معاون خصوصی کے پی
