یوٹیوب کا بڑا اپ ڈیٹ: اب کسی بھی زبان کی ویڈیوز اپنی زبان میں دیکھیں

یوٹیوب کا بڑا اپ ڈیٹ

ویڈیو شیئرنگ پلیٹ فارم یوٹیوب نے صارفین کے لیے ایک اہم خصوصیت متعارف کروا دی ہے۔ جس کے ذریعے اب دنیا بھر کے ناظرین کسی بھی ویڈیو کو اپنی مادری زبان میں دیکھ اور سن سکیں گے۔ یہ خصوصیت مصنوعی ذہانت کی مدد سے تیار کی گئی ہے۔ تاکہ زبان کی رکاوٹ کو بڑی حد تک ختم کیا جا سکے۔

ستائیس زبانوں میں سپورٹ کے ساتھ خودکار ڈبنگ

بین الاقوامی میڈیا رپورٹس کے مطابق یوٹیوب نے اپنی مصنوعی ذہانت پر مبنی خودکار ڈبنگ ٹیکنالوجی کو اپ گریڈ کر دیا ہے۔ تازہ ترین اپ ڈیٹ کے تحت یہ خصوصیت اب 27 مختلف زبانوں کو سہارا دیتی ہے۔ جس سے صارفین عالمی مواد تک آسانی سے رسائی حاصل کر سکیں گے۔ صارفین یوٹیوب کی سیٹنگز میں جا کر اپنی پسندیدہ زبان منتخب کر سکتے ہیں۔ اگر کسی ویڈیو کا ڈب شدہ ورژن دستیاب ہو تو پلیٹ فارم خودکار طور پر منتخب زبان میں ویڈیو چلا دیتا ہے۔

تخلیق کار کی آواز برقرار

اس اپ گریڈ کا ایک نمایاں پہلو تاثیراتی تقریر نامی نئی مصنوعی ذہانت کی ٹیکنالوجی ہے، جو اصل تخلیق کار کی آواز کا لہجہ، جذبات اور اندازِ بیان برقرار رکھتی ہے۔ یوٹیوب کا کہنا ہے۔ کہ اس کا مقصد روایتی ڈبنگ میں پائی جانے والی مشینی آوازوں کو ختم کرنا ہے، جو اکثر مواد کے معیار کو متاثر کرتی تھیں۔

پہلے دستیاب زبانیں اور مستقبل کے منصوبے

فی الحال یہ فیچر انگریزی، فرانسیسی، جرمن، ہندی، انڈونیشی، اطالوی، پرتگالی اور ہسپانوی زبانوں میں دستیاب ہے۔ کمپنی نے عندیہ دیا ہے۔ کہ جلد مزید زبانیں بھی اس فہرست میں شامل کر دی جائیں گی۔ یہ اپ ڈیٹ نہ صرف مواد تخلیق کرنے والوں کے لیے عالمی ناظرین تک پہنچنے کا موقع فراہم کرتی ہے۔ بلکہ صارفین کو دنیا بھر کی ویڈیوز اپنی زبان میں سمجھنے کا نیا تجربہ بھی دیتی ہے۔

مزید پڑھیں
رمضان میں ڈیٹوکس واٹر: تازگی، توانائی اور بہتر صحت کا آسان نسخہ