بھارت کے خلاف نارمل میچ
پاکستان کے جارح مزاج اوپنر صاحبزادہ فرحان نے کہا ہے۔ کہ اتوار کو بھارت کے خلاف بھی ایک نارمل میچ ہوگا اور ٹیم اسی انداز میں کھیلے گی۔ امریکا کے خلاف جیت کے بعد کولمبو میں پریس کانفرنس کرتے ہوئے انہوں نے کہا۔ کہ پچ اچھی تھی اور 190 رنز بنانا بڑی بات تھی۔
جیت سے اعتماد میں اضافہ
صاحبزادہ فرحان کا کہنا تھا۔ کہ جب رنز بنتے ہیں تو اعتماد بڑھتا ہے اور ٹیم گزشتہ پانچ چھ ماہ سے مسلسل اچھی کرکٹ کھیل رہی ہے۔ انہوں نے کہا کہ بھارت کے خلاف میچ میں دو میچز کی جیت کا اعتماد ساتھ لے کر میدان میں اتریں گے۔
ورلڈ کپ میں اگلا مقابلہ
انہوں نے یاد دلایا۔ کہ ایشیا کپ میں بھی پاکستان نے بھارت کے خلاف سخت مقابلہ کیا تھا۔ ٹی ٹوئنٹی ورلڈ کپ میں پاکستان اپنے ابتدائی دونوں میچ جیت چکا ہے اور اب اگلا میچ اتوار کو بھارت کے خلاف کھیلا جائے گا۔
مزید پڑھیں
پی ایس ایل: وسیم اکرم سیالکوٹ اسٹیلینز کے صدر مقرر
