واشنگٹن / نئی دہلی
بھارت کو خدشہ ہے کہ امریکی صدر ڈونلڈ ٹرمپ غزہ کے لیے قائم بورڈ آف پیس میں مسئلہ کشمیر کو بھی اٹھا سکتے ہیں، جس سے بھارتی سفارتی حکمتِ عملی پر دباؤ بڑھنے کا امکان ہے۔
بھارت کو شمولیت کی دعوت
برطانوی میڈیا کے مطابق امریکا نے بھارت کو غزہ بورڈ آف پیس میں شمولیت کی دعوت دی ہے، تاہم بھارتی حکومت کی جانب سے تاحال کوئی حتمی فیصلہ سامنے نہیں آیا۔ اس بورڈ کا مقصد اسرائیل اور حماس کے درمیان جنگ بندی اور عبوری انتظامات کی نگرانی ہے۔
پاکستان سمیت متعدد ممالک شامل
بورڈ آف پیس میں پاکستان، ترکی، سعودی عرب اور متحدہ عرب امارات شامل ہو چکے ہیں، جبکہ اب تک 59 ممالک اس پر دستخط کر چکے ہیں۔ ڈیووس میں ہونے والی تقریب میں 19 ممالک نے شرکت کی، تاہم بھارتی وزیراعظم نریندر مودی شریک نہیں ہوئے۔
کشمیر کے معاملے پر تشویش
برطانوی میڈیا کے مطابق خدشہ ظاہر کیا جا رہا ہے کہ ٹرمپ مستقبل میں اس فورم پر مسئلہ کشمیر کو بھی زیر بحث لا سکتے ہیں، جس سے بھارت کے امریکا اور مغربی ایشیا سے تعلقات متاثر ہو سکتے ہیں۔
سابق بھارتی سفیروں کی رائے
سابق بھارتی سفیر اکبرالدین نے بورڈ میں شمولیت کی مخالفت کرتے ہوئے اسے اقوامِ متحدہ کی قرارداد 2803 سے متصادم قرار دیا، جبکہ سابق سفیر رنجیت رائے کا کہنا ہے کہ بورڈ کی کوئی واضح مدت مقرر نہیں اور اس ماڈل کو غزہ سے باہر بھی استعمال کیا جا سکتا ہے۔
مزید پڑھیں
پریس کلب لاہور الیکشن: جرنلسٹ گروپ نے واضح برتری کے ساتھ میدان مار لیا
