ایم اے جناح روڈ پر واقع گل پلازہ میں پیش آنے والے ہولناک آتشزدگی کے واقعے نے شہر کو غم میں مبتلا کر دیا، تاہم تباہی کے اس المناک منظر کے درمیان ایک حیرت انگیز اور ایمان افروز واقعہ بھی سامنے آیا۔
وائرل ویڈیو
آگ بجھنے کے بعد ملبہ ہٹانے اور لاپتا افراد کی تلاش جاری ہے۔ اس دوران ریسکیو اہلکار کی جانب سے بنائی گئی ایک ویڈیو سوشل میڈیا پر تیزی سے وائرل ہو رہی ہے، جس نے لوگوں کو حیرت میں ڈال دیا۔
قرآن پاک محفوظ
ویڈیو میں دیکھا جا سکتا ہے کہ دھوئیں سے بھرے ماحول میں جب ریسکیو اہلکار گل پلازہ کی مسجد میں داخل ہوئے تو وہاں رکھے قرآنِ پاک معجزانہ طور پر بالکل محفوظ حالت میں موجود تھے۔ ریسکیو اہلکاروں نے قرآن پاک کو احترام کے ساتھ اٹھا کر محفوظ مقام پر منتقل کر دیا، جبکہ مسجد کو بھی آگ سے کوئی نقصان نہیں پہنچا۔
ریسکیو حکام کا بیان
ریسکیو حکام کے مطابق گل پلازہ کے پہلے فلور پر قائم مسجد کو کلیئر کر لیا گیا ہے اور وہاں کوئی شخص موجود نہیں تھا۔ سرچ آپریشن مکمل احتیاط کے ساتھ جاری ہے۔
جانی و مالی نقصان
واضح رہے کہ اس آتشزدگی کے باعث قیمتی جانوں کا ضیاع اور بھاری مالی نقصان ہوا۔ اب تک 26 ہلاکتوں کی تصدیق ہو چکی ہے، جبکہ 83 افراد تاحال لاپتہ ہیں جن کی تلاش کے لیے کارروائیاں جاری ہیں۔
مزید پڑھیں
وزیراعلیٰ مریم نواز کی قیادت میں ستھرا پنجاب اتھارٹی قائم کرنے کا فیصلہ
