بسنت 2026 کا باضابطہ نوٹیفکیشن جاری
لاہور میں بسنت 2026 کے انعقاد کی مشروط اجازت دے دی گئی ہے۔ ڈپٹی کمشنر لاہور کی جانب سے جاری نوٹیفکیشن کے مطابق شہر میں پتنگ بازی صرف 6، 7 اور 8 فروری کو ہوگی، جبکہ پتنگ بازی کے سامان کی فروخت یکم فروری سے 8 فروری 2026 تک مشروط اجازت کے ساتھ کی جا سکے گی۔
ممنوعہ ڈور اور چرخیاں مکمل طور پر ممنوع
انتظامیہ نے واضح کیا ہے۔ کہ ممنوعہ ڈور کے خلاف سخت ایکشن لیا جائے گا۔ نائیلون، پلاسٹک، دھاتی تار اور خطرناک ڈور کے استعمال پر زیرو ٹالرنس پالیسی ہوگی۔ اس کے ساتھ ساتھ چرخیاں بنانے اور فروخت کرنے پر مکمل پابندی عائد کر دی گئی ہے۔ جبکہ ڈور صرف پنے کی شکل میں دستیاب ہوگی۔
عوامی تحفظ اولین ترجیح
ڈپٹی کمشنر لاہور نے کہا۔ کہ انسانی جانوں کا تحفظ حکومت کی اولین ترجیح ہے۔ اس لیے تمام شہری قانون کی پابندی کریں۔ والدین سے اپیل کی گئی ہے۔ کہ وہ بچوں کو خطرناک اور ممنوعہ ڈور کے استعمال سے روکیں۔
خلاف ورزی پر سخت کارروائی
انتظامیہ نے واضح کیا ہے۔ کہ قواعد وضوابط پر عمل کرنے والوں کو مکمل تعاون فراہم کیا جائے گا۔ تاہم قانون شکنی کی صورت میں متعلقہ افراد کے خلاف فوری اور سخت کارروائی کی جائے گی۔
مزید پڑھیں
لاہور میں شدید دھند، 8 گھنٹے سے فلائٹ آپریشن معطل—متعدد پروازیں متاثر
