قومی ٹیم وطن واپس
بھارت کو عبرتناک شکست دے کر ایشیا کپ جیتنے والی پاکستان انڈر 19 کرکٹ ٹیم وطن واپس پہنچ گئی، جہاں اسلام آباد ائیرپورٹ پر قومی ہیروز کا بھرپور اور شاندار استقبال کیا گیا۔ شہری بڑی تعداد میں رات گئے تک ائیرپورٹ پہنچے اور نوجوان کھلاڑیوں کے ساتھ اپنی خوشیوں کا اظہار کیا۔
ائیرپورٹ پر شاندار استقبال، جذباتی مناظر
ائیرپورٹ پر کھلاڑیوں پر پھولوں کی پتیاں نچھاور کی گئیں، پھولوں کے ہار پہنائے گئے، ڈھول کی تھاپ پر رقص اور بھنگڑے ڈالے گئے، جبکہ آتش بازی کا بھی شاندار مظاہرہ کیا گیا۔ فضاپاکستان زندہ بادکے نعروں سے گونجتی رہی۔ پی سی بی حکام بھی ٹیم کے استقبال کے لیے موجود رہے اور کھلاڑیوں کو وی آئی پی پروٹوکول میں ہوٹل منتقل کیا گیا۔
وزیراعظم سے ملاقات، بھرپور حوصلہ افزائی متوقع
وزیراعظم شہباز شریف آج قومی ہیروز سے ملاقات کریں گے جہاں فاتح نوجوانوں کی کارکردگی کو سراہا جائے گا اور انہیں خصوصی مبارکباد دی جائے گی۔ اس تاریخی کامیابی نے قوم کے چہروں پر خوشی بکھیر دی ہے۔
بھارت کے خلاف تاریخی فتح — میچ کی جھلک
پاکستان نے فائنل میں بھارت کو 191 رنز سے شکست دے کر ٹائٹل اپنے نام کیا۔ قومی ٹیم نے 50 اوورز میں 8 وکٹوں پر 347 رنز اسکور کیے، جبکہ بھارت کی ٹیم 156 رنز پر ڈھیر ہوگئی۔ سمیر منہاس نے 172 رنز کی شاندار اننگز کھیل کر ٹورنامنٹ کے ٹاپ اسکورر ہونے کا اعزاز بھی حاصل کیا۔ یہ دوسرا موقع ہے جب پاکستان نے انڈر 19 ایشیا کپ اپنے نام کیا۔
مزید پڑھیں
اپوزیشن حکومت سے مذاکرات پر آمادہ، نیا چیف الیکشن کمشنر کیوں ضروری قرار؟
