پروگرام کا باضابطہ آغاز
لاہور میں مسلم لیگ ن کے قائد نواز شریف اور وزیراعلیٰ پنجاب مریم نواز نے ’اپنی زمین، اپنا گھر‘ پروگرام کا باقاعدہ آغاز کر دیا۔ تقریب کے دوران نواز شریف نے وزیراعلیٰ مریم نواز کی درخواست پر بٹن دبا کر پروگرام کا ڈیجیٹل افتتاح کیا۔
ڈیجیٹل قرعہ اندازی کے نتائج
پنجاب کے 19 اضلاع میں 23 ہاؤسنگ اسکیموں کے تحت 2 ہزار مستحق افراد کو 3 مرلہ کے پلاٹ مل گئے۔ جہلم میں 730، قصور میں 388، فیصل آباد 257، لودھراں 219، اوکاڑہ 130 اور لیہ میں 55 افراد کامیاب رہے۔
اضلاع وار کامیاب درخواست دہندگان
بھکر میں 52، ساہیوال 33، سرگودھا 25، خوشاب 24، بہاولنگر 20، منڈی بہاءالدین 17 اور راجن پور میں 15 افراد پلاٹ کے حقدار بنے۔ اٹک میں 1، گجرات میں 8، بہاولپور 7 جبکہ جھنگ، وہاڑی میں 4،4 اور چنیوٹ میں 2 افراد کامیاب ہوئے۔
وزیراعلیٰ کی جانب سے مبارکباد
وزیراعلیٰ مریم نواز نے خوش نصیب افراد کو خود فون کرکے مبارکباد دی۔ اٹک کی رخسانہ بی بی اور بہاولپور کی میرومائی سے نواز شریف اور مریم نواز نے براہِ راست بات بھی کی۔
قرض اور ادائیگی کی سہولت
وزیراعلیٰ کے مطابق پلاٹ حاصل کرنے والوں کو گھر کی تعمیر کے لیے 15 لاکھ روپے تک کا قرض فراہم کیا جائے گا جس کی واپسی 9 سال میں ماہانہ 14 ہزار روپے قسط کی صورت میں ہوگی۔
شفافیت کا نظام
صوبائی وزیر ہاؤسنگ بلال یٰسین نے بتایا کہ پروگرام کی شفافیت یقینی بنانے کے لیے نادرا اسکرونٹی، فیلڈ تصدیق اور ڈسٹرکٹ کمیٹی کی منظوری
کا فول پروف سسٹم اپنایا گیا۔
درخواستوں کا اعداد و شمار
پروگرام کے لیے 1 لاکھ 83 ہزار سے زائد افراد نے رجسٹریشن کرائی جبکہ پہلے مرحلے میں 18 ہزار 308 درخواست دہندگان کو قرعہ اندازی کے لیے اہل قرار دیا گیا۔
مزید پڑھیں
اڈیالہ حکام: عمران خان کی حالت ٹھیک، جیل منتقلی کی خبریں جھوٹی
