عالمی مارکیٹ میں سونے کی قیمتیں تین ہفتوں کی کم ترین سطح پر
ڈونلڈ ٹرمپ کی امریکی انتخابات میں کامیابی کے بعد عالمی سطح پر سونے کی قیمتوں میں نمایاں کمی دیکھنے میں آئی، جس کا اثر پاکستانی مارکیٹ پر بھی پڑا ہے۔ ٹرمپ کی کامیابی کے بعد بدھ کے روز عالمی مارکیٹ میں سونے کی قیمتیں تین ہفتوں کی کم ترین سطح پر پہنچ گئیں۔ خبر رساں ادارے “رائٹرز” کے مطابق عالمی مارکیٹ میں سونے کی قیمت 0.8 فیصد گر کر 2,721.21 ڈالر فی اونس ہوگئی۔
پاکستان میں سونے کی قیمتوں میں نمایاں کمی
عالمی مارکیٹ میں کمی کے بعد پاکستان میں بھی سونے کی قیمت میں کمی ریکارڈ کی گئی۔ آل پاکستان جیمز اینڈ جیولرز ایسوسی ایشن کے مطابق فی تولہ سونے کی قیمت میں ایک ہزار روپے کی کمی ہوئی، جس کے بعد سونا فی تولہ 2 لاکھ 82 ہزار 200 روپے پر آگیا۔ اسی طرح، 10 گرام سونا بھی 857 روپے کم ہو کر 2 لاکھ 41 ہزار 941 روپے کا ہوگیا ہے۔ یہ تبدیلیاں عالمی مالیاتی حالات اور بین الاقوامی مارکیٹ میں اتار چڑھاؤ کے باعث ہیں۔
