ایلون مسک کی ناکامی: ایکس کی مالیت میں زبردست کمی
دنیا کے امیر ترین شخص ایلون مسک سوشل میڈیا پلیٹ فارم ٹوئٹر (ایکس) کو چلانے میں ناکام ثابت ہوئے ہیں۔ مسک نے اکتوبر 2022 میں اس کمپنی کو 44 ارب ڈالرز میں خریدا، مگر تقریباً دو سال کی ملکیت کے بعد، اس سوشل میڈیا کی قیمت میں 79 فیصد تک کمی آ چکی ہے۔
سرمایہ کاری کے نقصان کا سنگین اثر
ایلون مسک کی اس ناکامی میں ایک اہم کردار سرمایہ کار کمپنی فیڈیلیٹی کا بھی ہے، جو ایکس کے حصول میں ان کی مددگار بنی۔ فیڈیلیٹی نے ابتدائی طور پر تقریباً 1 کروڑ 96 لاکھ ڈالرز کی سرمایہ کاری کی تھی، مگر اب اس کا اندازہ لگایا گیا ہے کہ اس کی حصص کی قیمت گھٹ کر 41 لاکھ 90 ہزار ڈالرز رہ گئی ہے۔ یہ اعداد و شمار بتاتے ہیں کہ اکتوبر 2022 سے اگست 2024 تک ایکس کی قدر میں 78.7 فیصد کی کمی واقع ہوئی ہے۔ اگر اس تخمینے کو درست تسلیم کیا جائے تو، ایلون مسک کی 44 ارب ڈالرز میں خریدی گئی کمپنی کی موجودہ مالیت صرف 9 ارب 40 کروڑ ڈالرز رہ گئی ہے۔
