ڈپریشن کے جسمانی اثرات
ڈپریشن صرف ایک ذہنی بیماری نہیں بلکہ اس کے جسمانی اثرات بھی بہت گہرے اور حقیقی ہوتے ہیں۔ یہ طبی حالت دماغ کے کیمیکل، ہارمونی، اور اعصابی نظام پر اثر ڈال کر پورے جسم کی صحت کو متاثر کرتی ہے۔
دماغ پر اثرات
توجہ، یادداشت، اور فیصلہ کرنے کی صلاحیت کم ہو جاتی ہے۔ سوچنے کا عمل سست، منفی اور منتشر ہو جاتا ہے۔
دل اور دوران خون پر اثرات
دل کی دھڑکن بے ترتیب ہو سکتی ہے جبکہ ہائی بلڈ پریشر یا کم بلڈ پریشر ہوسکتا ہے۔ اس کے علاوہ ہارٹ اٹیک اور فالج (stroke) کا خطرہ بڑھ جاتا ہے۔
نیند پر اثرات
نیند نہ آنا یا بہت زیادہ سونا جیسی علامات ظاہر ہوتی ہیں اور نیند کا معیار خراب ہو جاتا ہے۔ صبح جلد آنکھ کھل جانا مگر تازگی محسوس نہ ہونا بھی علامات میں شامل ہے۔
بھوک اور ہاضمے پر اثر
کچھ لوگ زیادہ کھانے لگتے ہیں جبکہ کچھ کی بھوک ختم ہو جاتی ہے۔ اس سے وزن میں اضافہ یا کمی ہو سکتی ہے اور بدہضمی، قبض، یا پیٹ میں گیس کی شکایت پیش آتی ہے۔
پٹھوں اور ہڈیوں پر اثر
جسم میں درد، خاص طور پر کمر، گردن یا جوڑوں کا درد، پٹھوں میں تناؤ، تھکن جیسے مسائل بھی درپیش آ سکتے ہیں۔
مدافعتی نظام
جسم بیماریوں کے خلاف کمزور ہو جاتا ہے۔ بار بار نزلہ، زکام یا انفیکشن ہو سکتے ہیں۔
جنسی صحت پر اثر
جنسی خواہش میں کمی آتی ہے جس سے جنسی کارکردگی متاثر ہو سکتی ہے (مرد و خواتین دونوں میں)۔
خودکشی کے خیالات
شدید ڈپریشن میں خود کو نقصان پہنچانے یا زندگی ختم کرنے کے خیالات آ سکتے ہیں۔ یہ ایک طبی ہنگامی حالت ہوتی ہے اور فوری مدد ضروری ہوتی ہے۔
مزید پڑھیں
